#BlogFeature : I believe in Africa #StrictlyMboko || by Tino Foy
Oh man. I still believe in Africa.
Weh the best time na time weh reme no dey ntang
Na so man dan dodge go enter man e guava farm commot for dey go move lie lie juju under Ngia Tawah e number one mango kill waself.
Go ask Suh If ya fowl loss, I no mean say I be see yi.
9 year old njaka di push 60 liter water climb hill no even know sey for some other continent some people di call that one sey child labor. For yi, head e dan big.
Nah, actually the best time na time weh reme say ‘boy, bring ya plate’ then e pack you coco weh e tie wrappa sleep inside red oil with correct dry fish for corner
Before man be want start see Ayaba swimming pool na for river mezzo weh man be di go. Time weh man go with reme for laver close man go carry brush trowel am inside water just so that e fit swim small go take am.
All thing na na artificial, sep the people.